2013年9月9日 星期一

婚嫁工作以外...

踏入9月, 正式進入年尾的婚嫁旺季, 要好好養足精神照顧新娘子們, 用心幫她們打扮靚靚, 令大日子當日可以明豔照人!  一次過同大家分享一下近況 :)

1. 有一天完成姊妹工作之後, 接連2個試妝, 好感謝 2 位準新娘的愛戴及支持, 2個試妝都成功了, 衷心感謝你們對我的信任! (照片稍後分享)

2. 因為一些原因, 我需要趁女兒未上學之時, 好好準備自己, 考取一個國際認可的資格, 工餘時間基本上都花在準備考試之上, 感謝好朋友再一次做我考試的 Model, 也感謝她幫我拍下超多美美的照片及花絮! 辛苦晒~ 黎緊仲有好多野要你幫手架! 同時我距離我既目標又近一步了!


3. 試了化一個瑩光妝, 雖然瑩光妝唔係一D 咩新鮮事, 但我就好想試下, 黎緊要和好友攝影師及 Model 拍一輯以瑩光為主題的照片!


4. 因一好友的關係, 收到一個唔錯既 Offer, 人工和待遇其實都不錯, 又是自己想做的事. 思前想後最於決定放棄, 原因是我好想趁自己仲有些微的青春出外走走, 挑戰一下自己, 看看2, 3年, 或者5年之後的自己會變成怎麼樣喔! 在此感謝介紹我的人, 我深信在不久的將來我們會有共事的機會, 一試自己另一方面的實力。

5. 身邊的人及自己身上發生了幾件事, 令我感受好深。詳細內容不方便說, 但我領會到做事需要抽離。 即使覺得自己能力處理得到, 試試叫自己抽離整件事, 從一個局外人去看整件事, 唔好成日懶 Q 叻, 自以為事, 多點聽聽其人的意見 (最好是有經驗人士或前輩啦).

聽完之後慢慢消化, 再作一個決定, 即使呢個決定未必係最好的選擇, 也不要怨人, 瀨呢個瀨果個, 其實做人謙卑一點, 問問別人(當然要小心選擇詢問對象啦!)又何妨呢? 好多時忠言都係唔啱聽架, 但對方唔係緊張你, 唔係想你好既就唔會將個事實既另一面話你知, 做一個唯唯諾諾的人容易多呢!

沒有留言:

張貼留言