新嘗試 - 絲襪花

早前在朋友的介紹下, 加上在網上搵左D資料之後, 決定一試絲襪花造型的頭飾!

第一次整粗手粗腳, 唔太滿意今次既作品, 細心睇, 周圍佈滿膠水漬 (暈!!) 雖然用的材料唔多, 主要係鐵線、絲襪、lace、網紗、鴨咀鉗等等。小小的一個東西已經花去2個小時了!

由於囡囡在過程中要求我抱抱, 只有草草拍下一張照片作紀錄。有左今次既經驗, 下次等我買多少少材料用整個大D先!

 

最近之工作

之前提及過接了幾個新工作, 由於涉及Styling方面, 所以要花多點時間同客人及負責形象的朋友溝通, 今天也花了些時間跟客人及Wedding Planner開會.....期待我們的新作呀!!

工作以外, 我又花了很多時間去鑽研頭飾, 總是想配合客人婚禮或 pre-wedding相的主題去做一些獨一無二的頭飾.....其實早前Jackie & Frankie Pre-Wedding 的 post, 相中的頭飾都是我自己做的 (劣作一件,其實近看有很多做得不太好的地方架!) 材料也買了很多, 有些更是訂造的 (無錯!! 有些配件是找人手作的!) 材料已經不容易得到, 希望到時做出來的頭飾出來帶給大家耳目一新的感覺。

另外, 黎緊會有一個粉底的博文, 大家密切留意呀! 湊女的確佔了我大部分休息時間.......累!!

Giordano Ladies - 出外靠朋友之二

季尾大減價的最佳選擇

近年外地品牌氣勢如虹，好似H&M, Zara, Gap etc分店愈開愈多，佢地成功的例子，已經令到其他外國品牌虎視眈眈，收到可靠消息－黎緊有唔少外國品牌即將進駐香港！相信消費者們又可以有更多選擇啦！但係大家千萬唔好睇少本地薑既實力，唔講唔知本地薑Giordano係泡菜國係潮牌，地位有如香港既 IT，價錢仲係中上添！Giordano 仲有其他線，如BSX、Concept等，我自己就最鐘意Giordano Ladies呢一條 Line，自本人出來社會做事開始已經開始注意架啦！

令我成日留意的原因

1.      質地靚

2.      剪裁好 à 唔知點解, 著左佢地既衫, 睇落成個人係瘦D

3.      款式特別

4.      唔易同人撞款 à 有時著佢地廣告款, 都好少可係街度同人撞衫

5.      襟著、多classic款 à 佢地既出品, 有D已經超過3季都仲有著, 而且睇落仲係新既一樣

6.      價錢合理

 

單單以上的原因，再加埋著出黎俾到人一個斯文又專業的形象，已經足夠令我瘋狂愛上啦！！

最近密友K講我知，FW 2012既衫除左全場半價之外，折後買滿$2,800 (正價價錢5,600) 即減$1,100，埋單即係大概3折左右，之但係一個人買又好難買得夠得$2,800, 呢個時候又係出外靠朋友既好時機！！

當日我另外約左2位朋友一齊睇，3個女人係唔洗20分鐘既時間內，正價計已經有已經成7xxx, 因為今次既promotion係包括埋鞋架!! 買開Gio Ladies既朋友都知，佢地出既鞋唔係西班牙就係意大利製造，品質有保證之餘仲要個款係好型！！就係咁我同另一個友人已經一人一對Danny Shoes！

 

呢對Danny Shoes有黑色同寶藍色，係現場睇呢2隻色既分別唔大，加上寶藍色既Danny Shoes 比較少有, 諗都唔諗即刻Keep番對啦, 原價係$2,250, 利用朋友既力量變成65% off，即$780已經可以擁有。本來買多$100的貨品可即時減多$100，買件吊帶Top就得啦 (即係唔洗錢，送既)~~ 可惜當日該分店已經售罄，如果唔係又可以多一件Top吊帶看門口。

睇到呢度，如果你既腦中浮現「咁唔洗正價買啦，等減價先入貨」既想法就大錯特錯了！事關每季出既「廣告款」（我通想都係咁叫果D model著既, 出大相, 貼晒係Shop牆既款）一上架, 唔洗幾耐就全線無晒架啦!

下面既「廣告款」我差唔多成套買晒，仲要係出左一個星期左右去買都差D斷埋自己個Size，友人見我著得好睇想買，可惜已經全線無晒啦！

 

此外，我仲有一條連身褲，係Gio Ladies 少有的出品。剪裁一流唔在講，最正係我未陀BB時同埋陀BB既時候都可以著！不過出左一段時間，已經搵唔番果時張廣告相了。現在睇番陀BB時真係肥左好多.......係時候努力減肥啦！(給力！給力！)

http://www.giordanoladies.com/

工作花絮

話說是次工作是李生的, video 改了很多次客人仍未滿意

但係我就好滿足他們拍下工作時候的我 (笑~)

 

 

 

 

 

宣傳短片工作

這次的工作是為一本地護膚品牌工作, 要求是化了等於沒有化的妝, 即是 nude妝, 幸好不是第一次接拍同類工作, 大概都知道製作單位要求

 

拍攝地方是一個超大的豪宅內拍攝的, 光線十分充足, 環境十分優美!

 

 

 

化妝的地方是在衣帽間內, 呢張是被人偷拍的照片, 還有髮型師阿Sam

 

 

 

製作十分認真!!

 

 

 

 

 

 

最初知道要拍一個鏡頭, 要求模特兒Karen 在已化妝的情況下使用面膜, 想不到用完拍攝時指定的面膜, 妝更加貼服, 不過呢個方法真的不要時常用, 大家不要學。

 

 

 

若真的要使用, 首先要確保面膜精華水份比較重, GEL狀質地絕對不行。另外, 於短時間提供大量水份給肌膚, 毛孔會張大, 除了精華之外, 相信也會把彩妝也吸進肌膚內層, 容易生黑頭粉刺更不宜使用。

 

拍攝工作完成, 與所有演員、模特兒合照!

 

 

最近才得這次工作的影片, 不過唔可以公開放出來~~ 大家在彩豐行門市會見到架!!

名字的煩惱– 下

上回講到因為自己唔係太喜歡個中文名, 最近搵左一位高人幫我改改過一個新的中文名, 方便日後工作或其他用途。

 

原先的中文名我又不會更改的, 始終要去律師樓宣誓、做文件、重做過所有證件等等, 實在太麻煩啦。所以我會叫呢個名做「藝名」。

高人取得我的八字, 好很已然幫我改左5-6個名, 呢幾個名其實我都好喜歡, 決定之前我先問問老公的意見, 原來他和我的看法都是一樣, 對其中一個名字特別偏好。

 

在決定這個名字之前, 我還是覺得要問問我娘的意見, 生怕她因改名的事而有不快的感覺。幸好我娘看過那5、6個名字之後, 跟我和老公的想法一樣, 現在我可以正式公佈我的新名字是

曉昕

多多指教 !!

名字的煩惱 – 上

跟我相熟的朋友, 都知道我不太喜歡自己本身的中文名

還是比較喜歡大家叫我的英文名字, 最有趣的是現在的英文是由一位中學同學幫我改的.

 

記得在中三, 剛開學時的時候有一位同學問我:「你的英文名是不是叫做Glory?」

我答:「為何這樣問?」

她說:「將你的中文名字快讀, 就是Glory啦!」

我說:「丫… 又係喎!」

 

就是這樣, 我自始就叫做 `Glory’ 了。

可是總會發生一些問題…….

 

Glory vs Gloria

 

1.      我的名字明明是Glory, 總是有人叫我做Gloria, 而我有時真的不好意思跟對方說: 「你讀錯我的名字呀~ 我個名係無 “牙” 架!」

 

2.      公司曾經跟一位會計, 姓氏跟我一模一樣, 可能會計部門的同事對數字比英文字母敏感, 多次將原本要發給Gloria的電郵發給我, 有好幾次內容更是機密資料…..當然隨即發一個電郵叫我  `Please ignore it’, 令人覺得好尷尬

 

3.      生囡囡時住院, 現在的姑娘都好親切, 只叫病人的名字而不加姓氏, 該名姑娘一叫 “XX”, 立即有幾位病人一同回應……

 

4.      曾經好喜歡聽一位電台DJ的節目, 仍在讀書的我不想被同學知道我有留言在此節目的Forum, 於是我就將Glory轉成中文 --- “歌莉” , 但依然怕同學他知道, 於是寫上“阿利”, 誰不知那位親愛的主持人竟在節目中問我是不是叫 “茂利” ? 自此我不再聽呢個節目, 也不再留言。

 

我想, 我自己在名字上或多或少都有點執著吧。

 

最近為了方便工作, 決定為自己改一個2個字的名字, 方便人家叫我 (世界上總有人只會叫人家的中文名, 不知怎的……)

 

現今仍未有定案, 待下回分解