2014年2月28日 星期五

大日子婚享- Yan & Panny

在此再一次恭喜 Yan & Panny, 多謝你們的信任, 當日工作真的好開心, 現在俾大家睇下當日的造型丫~

Makeup and hair by Glory Kwok


 
掛頭選用鬢辮再配上現在很流行的波波頭飾及胡姬
 
 
 
由於新娘子想妝容更加自然, 上下眼睫毛都是一束束的黏上去的
 
 
出門造型不斷聽到親友讚賞, 很有滿足感呢!
 
 
席前選用放側髮型, 配上湖水綠頭飾及桔梗
 
 
 
髮型後方就採用「綿綿冰」造型
 
 
出場註冊也是選用放側髮型, 我好鍾意新娘子 Yan話既「最緊要啱自己」!配上水晶頭飾及白色洋牡丹, 後面的「綿綿冰」造型就更改成「扭紋」造型, 不過我手上的照片看得不太清楚, 唯有等攝影師的照片啦!
 
 
話說姊妹們的妝頭到了下午都溶溶地, 有時間就幫手執少少啦~ 一般來說, 姊妹化妝不是 MakeUpByGlory的團隊處理, 我是從不會插手的, 不過今次時間比較充裕,
 就輕輕 Touch up一下, 大家都好滿意喔! 咁就一齊影番張靚相先啦, 哈哈~
 
 
敬酒造型選用立體鬢辮前蔭, 配上粉紅色洋牡丹
 
 
 Yan呢個送客造型真係一讚, 既輕鬆又特別, 好多人讚呀! 我自己都好鐘意呀!
 

2014年2月27日 星期四

Depend GelLack - 快速完成 Total Look


女人們愛美, 愛美唔單止要好好保養皮膚、化妝大方得睇(化完出黎唔好嚇親人)、著衫都要襯到絕既! 但一個Total Look絕對唔可以忽略幫手指、腳趾扮靚靚啦!

塗完指甲油係靚, 但等甲油乾的過程雙手咩都唔做得, 等到咁上下一個唔覺意......刮花了, 心都痛埋! 最慘明明捱眼訓等到甲油乾晒先上床訓, 點知一起身唔係啲甲油黏住左張被, 就係唔知點解成對手都可以花晒架喎....最慘就係第二朝起身, 屎淋尿瀨咁趕返工返學, 有時間用洗甲水整走花晒的甲油都已經可以還神啦, 想塗過一層新的甲油就真係諗都唔洗諗呀!

好啦, 終於出左Gel 甲, 但係又要磨又要剩, 指甲磨到簿一簿, 整過唔想整既話, 指甲有排都未生番靚, 起碼3,4個月唔見得人啦! 到搵個好的姐姐整手甲, 放工時間超難Book期, 大時大節前夕更加要荒死執輸咁, 早成個月Book定, 最慘成日臨時要OT、病左等各種因素, 呢個一早既 Booking十次有九次都未必去到, 但去唔到對手又唔靚, 上次既 Gel甲已經生到過左指甲既一半, 點同男友過情人節、聖誕節呀??? 呢個時候又要出動攻勢, 求修甲姐姐左度右度都要「咇」到個期俾我....黑起上黎, 去埋啲黑店, 仲會野埋灰甲返黎.......激死人呢!!!

好啦好啦, 終於又終於出左 Soft Gel 甲, 拆甲又係要去返修甲姐姐度, 搵鍚紙包住左類似天拿水的藥水, 好「嗱」好「嗱」! 想對手靚一啲都唔易咁喎......

以上全是小妹的個人經歷, 唔知你地又有無同感呢? 是咁的, 我上星期買左呢一Set Gel甲機套裝, 我唔會再有以上的煩惱啦, 哈哈! 呢部就係由瑞典黎香港既Depend自家 Gel甲機, 全香港暫時只係葵芳同又一城屈臣氏有售!


 一套Set包括有LED 燈機、清潔液、底Gel、甲油、面Gel及Remover Oil各一支, 全Set 只需$499! 你無聽錯, 只係$499!!!! 分分鐘係你做一次半次Gel 甲錢, 就可以買到一Set, 長做之餘仲可以做埋腳 Gel甲!


樽身已經寫晒每支屬於邊一個Step, 清楚易明!


LED燈機, 機仔細細一啲都唔阻地方耶!燈機仲有30秒同60秒選擇, 夠鐘會自動熄燈, 唔洗自己Count 時間, 勁正!

做Gel甲步驟:
1. 將清潔液倒在化妝棉上, 在甲面上打圈抹
2. 塗上一層底Gel, 照燈30秒
3. 塗上一層甲油, 照燈30秒
4. 塗上第二層甲油, 照燈30秒 (如果畫花或者塗上很厚的Gel, 建議照燈60秒)
5. 塗上一層面Gel, 照燈30秒
6. 重覆步驟1. Gel甲就完成啦!

**做腳只要將燈機180度顏旋轉, 照腳甲就 OK~~

官方指引, 先照一邊手食指至無名指, 再照另一邊手食指至無名指, 最後先照2隻姆指, 而我想快, 就會用下圖的方法一次過照晒5隻手指, 咁我就可以照少一次, 所以我整一對手的 Gel 甲大概10分鐘左右, 比官方說15至20分鐘為快!


 要卸甲都好方便, 只要用Set包埋的 Remover Oil, 係指沿塗上Remover Oil約20-30秒浸40度或以上的熱水就可以卸甲!



卸完係整片Gel 甲卸出黎既! 另外, 我呢個懶人想同大家分享一個更快捷的方便卸甲, 就係我係指沿塗上Remover Oil之後就除衫沖涼咁就可以即時卸甲, 唔需要特意開一盤熱手黎浸手啦! 簡直快靚正呀!

剛為一輯 Fashion 硬照拍攝時, 心血來潮用15分鐘左右既時間為Model即時做一做 Gel甲, 仲畫左少少簡單圖案添! Total Look就係短時間之內完成左啦! 唔怪得葵芳屈臣氏一日可以賣出接近50 Set Depend GelLack Start Kit啦!




Photo by Samson Cheung
Model: Jessica Ying
Makeup and styling by Glory Kwok
Depend Nail color: Scarlet G316 & Navy Blue G254



2014年2月26日 星期三

新娘化妝Demo

新一年開始時,我說過要在轉字頭時,送自己一份超大的生日禮物,呢份禮物的成果出黎啦!

前幾日去了Kenny Tsang's Studio影妝相,因為Studio2月28日搬啦,今次定是最後一次係荃灣呢面影妝相,今次好多謝Gingko Makeup School 化妝師Suki, 介紹左靚靚model Yuli俾我,令到今次的妝相效果超好!好幾個頭都不捨得拆掉呢!看睇住少少preview,等Kenny的大相呀!






2014年2月17日 星期一

李蘊- Kir Royal Catwalk Show@情人節婚展

今次好多謝 Gingko 安排是次的工作, 有幸代表 Gingko Makeup Service為 Kir Royal Catwalk Show擔任化妝師. 化妝及Set頭, 整個造型只有約一小時處理, 好趕, 好趕! 原因是李蘊在行 Show之前要同傳媒做訪問, 休息一陣先正式行Show!

 
 
今日有超多傳媒到場
 
 
李蘊好 Nice, 整個過程拍下很多美美照片, 超喜歡喔!
 
 
 
立體的髮型360度都好看
 
 
除粉紅色裙外, 還穿上另一件婚紗行 Show
 
自己拍的照片外, 東方及蘋果的即時新聞都已經上載了! 好快喔! 以下是來自媒體的照片, 因太趕,完全沒有時間Check 妝, 感恩傳媒拍出來的照片沒有失禮。妝感好Sweet 好自然, 好適合李蘊耶!
 
 
 
 
 
 
 
 
 


2014年2月16日 星期日

情人節、元宵節及生日快樂!

轉字頭啦!又大一年啦!而且仲係情人節及元宵節~
尋晚差唔多凌晨12點從廣州回港,今朝4點幾已經出發去開工(因為是媒體化妝工作, 一日未刊登, 我一日都唔可以分享俾大家呀.....),
收工回家就立即補眠了,晚上就和屋企人去食生日飯,雖然沒鮮花,但能夠和爸爸媽媽,Mika,嫲嫲,安哥安嫂及從 L.A. 回港的Angela一起食呢餐飯,超滿足啦!

今年沒時間逐一回覆大家的祝福,多謝大家!我收到晒啦!

 
 
 
*特別鳴謝飛哥飛嫂及一衆高流灣的同事!

預告: 我會在2月16日的婚紗展中的 Catwalk Model化妝 Set 頭, 如果你地都會去會展, 就過黎支持下我丫! Catwalk Show 約在3點15分開始!
 
* Photo from Gingko Makeup
 

2014年2月8日 星期六

妝相分享

其實這輯妝相於2013年8月時拍攝的, 可惜自己一直太忙而忘了分享, 最近在整理妝相時有得以重見天日.....再者發現很多妝相原來從未 post出來耶 Oppsss.....

在此多謝 Gingko安排是次的妝相拍攝!