Corporate Video 拍攝工作

是次工作是為某公司的 CEO 扮靚靚拍 Corporate Video

先在一間高級酒店內化妝SET 頭, 房內可以居高臨下, 看到廣州的城市風景

製作非常認真, 所有細節都要一絲不苟, 壓力挺大的呢!

在細 mon看到的效果, 不錯不錯

妝容的要求是要像一個女強人, 線條要較硬朗, 與一般的妝容不一樣! 現場及上鏡後出來的效果很好! 呢個 job 完結後就是一個 studio shooting 的工作。但要等照片出街後才可以放在這裡, 不知道他們會選哪一張照片在舖內呢? 月中就會知道啦!

Airfree 空氣殺菌機 P150

屋企已經有部空氣清新機, 思前想後, 我都係想買埋呢部 Airfree 空氣殺菌機!

 

好早之前已經想買架啦, 上網 search之後, 發現要去到觀塘代理先買得到, 購買計劃暫停左, 點知現在係百老匯、CMK都可以買得到, 咁就唔同講法啦! 起碼唔需要山長水遠拎返屋企, 而且CMK做緊推廣, 我買黑色、可支援 650呎範圍既 Airfree, 原價係 $3390, 折後只要 $2980, 抵呀!!!

話說我第一次係一田電器部見到呢部機, 李生已經用一個相當質疑既眼神望住我, 問:「咩黎架?」我講左個名之後, 李生就問: 「得唔得架 ??」其實得唔得就唔應該由我講既, 去片!!!

買左之後, 第一件事就係插電, Airfree 係一插即著, 無開關掣既! 底部有一個轉轉, 可以調較藍色LED 燈的光暗, 我選擇較暗少少。因為我家晚上會開壁燈, 已經夠光了, 如果家中沒有壁燈, Airfree 可以順當小燈, 晚上行去倒水飲都唔會踢到。

Airfree空氣殺菌機，透過獨家TSS™技術，可產生高達約200℃之高溫，清除多達99.99%空氣中的細菌病毒，獲多個驗證證明能顯著提升空氣質素， 消除各類過敏源包括花粉和有害化學物質如甲醛 (HCHO) 、臭氧(03) 等，再冷卻經過淨化的空氣，從而排出潔淨的空氣。此舉不但能解決哮喘、過敏、黴菌及病毒感染問題，特別適合敏感及哮喘人士、孕婦及嬰兒、老年人，睇到呢一度， 已經覺得好適合我屋企 ，唔買唔得。

 

 

 

標籤清楚指出使用範圍、耗電量、產地等資料

另外, 我比較過市面上同類型的產品，Airfree係唯一不需要經常謢理及更換過濾器，雖然更換的過程好快，但係將積滿塵埃細菌的隔塵網拎起棄置，過程點都會吸到唔少積聚的塵埃，總係覺得效果差少少。

加上耗電量僅相約於一個標準的60瓦的燈膽，非常合乎經濟效益。黎緊會再搬 studio, 打算到時買多一部放係化妝位附近, 哈哈!!
 

http://www.facebook.com/AirfreeHK?ref=stream#!/AirfreeHK

Chantecaille Ultra Sun Protection 防曬抗老修護乳液 - 出外靠朋友之三

我終於捨得買佢啦! 一支屬天價的防曬 Chantecaille Ultra Sun Protection SPF 50 PA+++

其實身邊唔少既行家、朋友都已經用緊佢架啦, 但我成日持住自己唔係易出班既人, 用普通的防曬就OK, 之前都係用開日本牌子, 金色果支呢, 又防水又咩又咩架, 我去Wakebroad係用佢, 之但係個質地總係「痴立立」咁, 最大件事係又話件product有問題......


因為成日係戶外工作, 加上陀BB等因素之下, 我發現面上既斑就係愈來愈多啦! 斑實在係咁多種皮膚問題之中, 最難KO 的一項, 所以我最後都係乖乖付出金錢買呢支防曬! ($880 架! 好貴喔!慶幸托朋友C的鴻福, 有點小折扣!)

官網指出此產品配方有3種非滲透性、高穩定性、高效成份等。含櫻花、香蜂草及白茶精華, 有抗炎功效及預防肌膚衰老。

封口有透明貼紙保護
 

 

擠出黎時呈乳液狀, 含水量高

上左係皮膚之後, 透明及爽身

我自己用落就覺得質地好爽, 就算不停塗、堆疊咁加上去都唔會厚左, 依然保持清爽, 當base用又得!因為防曬後面有寫"Can be worn alone, over moisturizer as a daily sun shield or under foundation as a protective smoothing primer." 身邊有位好朋友用左之後, 發現無再出新斑添! 如果手頭上有Budget既呢支防曬都可以話係最好用之選!

個人化妝班

 

 

看到來上個人化妝班的 Ivy, Catherine & Heidi, 用唔夠 2小時就可以輕鬆幫自己化一個非常適合自己的日妝, 整個過程非常愉快! 她們更說第一課已經學得太多技巧, 消化唔切呢 !

回家記得多多練習喔!! 下一課會再考考你們第一課學到的技巧, 加油!!!

中式頭飾- 立體小鳳冠

前幾天做的, 設計是將一般的大鳳冠修改一下, 造成一個立體小鳳冠, 適合更多的客人, 而且使用的變化更多!

今天肚子痛加上女兒發燒了, 做什麼事都沒勁, 要好好休息一下再衝過!!

 

 

 

Mika BB 半歲生日

唔經唔覺女兒 Mika 已經踏入6個月了, 很難想像6個月前, 我順產將 Mika帶到這個世界....

原本都打算低調一點, 等到 Mika 1 歲才辨生日會的, 由於 Rita 姨姨熱烈地籌備才促成是次活動的!

來到 Rita 姨姨的主埸, 第一件事梗係要四圍同人 say hello!!

 

 

有人同 Mika玩就開心

 

 

連老闆娘也被吸引過黎啦!!!

 

 

 

 

我其實係為左呢個刺身船而黎既! 有我最鍾意食既喜靈魚, Yeah!

 

 

Mika 在 Rita 姨姨的懷內, 笑容特別可愛!

 

 

其實一家人, 只要一齊, 簡簡單單已經好開心架啦!!!

 

 

呢相張由李生拍攝的, 我好喜歡!

 

 

順帶介紹下呢間餐廳 - 高流灣海鮮火鍋, 呢間餐廳以海鮮為主打, 手切牛肉也是招牌菜之一, 而我最推介佢地既清潤海底椰鍋, 食物就推介刺身船、手切牛肉、皇帝貝、墨魚丸同埋粟米等, 因為唔鐘意迫, 每次黎都盡量安排自家房, 細房最低消費 $3000, 大房最低消費 $5000, 其實5、6個人, 係高流灣一人食4、5百蚊係一件好容易既事黎既, 有房就可以自成一閣, 傾計都舒服D啦!

 

 

李生好唔鐘意人一邊食野, 一邊影相, 所以無咩食物相, 詳情可以去 openrice睇下啦~

 

 

高流灣海鮮火鍋

地址 :

尖沙咀山林道21-23號1樓

電話 : 3520 3800

http://www.openrice.com/restaurant/sr2.htm?shopid=16993

 

 



 

 

復古蕾絲頭飾

這個頭飾是特意為6月份某一個客人而造的, 到時會再加上她婚禮的主題元素, 好期待當日出來的效果喔!!