紅色頭飾

最新造的一個立體頭飾, 可在穿掛或紅色晚裝時用

 

 

 

 

 

 

 

Lunasol Skin Modeling Eyes Kit 2013

我一直都係Kanbo Lunasol 的粉絲, 所推出的化妝品粉質幼細又夠貼面, 前幾日係銅鑼灣 Sogo 見到呢個 Skin Modeling Eyes Kit 2013, 只係售 $490, 用開 Lunasol 就知只係盒 4色眼影, 平時已經索價 $440啦, 只要加多 $50 就可以多個4色唇彩 set 你話點可以唔買 !!

 

 

眼影同平時一樣貼、滑又顯色, 仲要係大地色系, 實啱用! 

 

4色唇彩都係大路既粉紅、粉橙同啡, 用完唇膏再用佢, 增加透明感! 而且2個盒都好簿, 拎出街補妝一流!

 

盒底同平時一樣有齊詳細資料, 有咩唔明唔識, 看圖識字, 唔識日文一樣明呀!

 

唯一唔好係購買當日個 Sales 姐姐黑口黑面, 好似完全唔想做呢張單咁.......

KP 化妝掃 Family

我用過好多牌子的化妝掃, 好似有 Bobbi Brown, M.A.C, Lancome, Shu uemura 等, 唔同既牌子既掃都有佢自己的特點, 不過我自己始終都係鐘情 KP 既化妝掃!

由左至右
1. 碎粉掃
2. 胭脂掃
3. 光影掃 ( 不過我係用佢黎做陰影同鼻影)
4. 小眼影掃 No. 105 (杉木灰鼠毛及加拿大灰鼠毛造, 我最鐘意用佢黎打眼窩)
5. 眉掃
6. 眼線掃
7. 輕便裝眉擦

 

唔好睇少呢幾支掃, 只係一支碎粉掃索價已經差唔多一千 (我買果時$880, 唔知現在有無加價), 一支胭脂掃都要成 $650, 日本製造, 但係有錢都唔一定買得到, 因為香港KP 唔知係唔係入貨入得少, 成日都斷貨, 往往最需要佢既時候就會無貨, 所以呢2支掃我都有定多支 Spare係屋企看門口。

一般的香港女生對KP 呢個品牌都好陌生, 現在KP 的分店不斷減少, 真係好怕有一日要去日本先可以買得到呀!

http://www.kesalanpatharan.hk/kp/cntProductMenu.aspx?CataID=14&Lang=C

買到靚既掃具, 都要有一定的保養, 因為好既保養可以令掃具用10年或以上既! 我平時出 Job較平常自用化妝的人, 用掃具會用得比較密, 而且我習慣完左一個Job 之後, 就一定會清洗完掃具先會俾另一個客人用, 所以清潔掃具用品一定要令附在掃具上的化妝品徹底洗淨, 仲要快乾!

下圖Cinema Secrets既洗掃液係我既最愛!

 

 



 

除左好用, 最正既係有出到947ml 大size, 市面上得果百零 ml 的洗掃液, 兩三下就可以俾我 K.O 左。

 

連最難洗既眼線, 只要係紙巾上面倒少少Cinema Secrets 洗掃液, 就能輕易除去!!

 

相信好多人都知道掃具可以用洗頭水、護髮素清洗, 仲有好多人介紹用 Jusco Living Plaza 既洗撲液黎洗掃, 由於有好多人講, 我都唔需要多介紹啦!!! 不過大家唔知有無留意, 大size的掃具如碎粉掃、濕粉掃、扇掃等, 由於面積比較大, 毛的數量比較多, 其實唔係咁容易將掃內部的化妝殘餘洗去, 特別係濕粉掃特別難洗!



 

我最近係商務書店文具部買左呢個畫筆清潔器 ($10), 只要在洗掃具時, 沾了洗頭水, 將畫筆清潔器放在小盤中, 加入約 3-5cm高的水, 將掃具在畫筆清潔器上移動幾下, 就可以令掃具深深處的化妝殘餘洗出來, 大家不妨試下丫!

客人滿意就是工作最大的推動力

是日的工作是幫一位行家手的, 到男家幫奶奶, 新郎姐姐及姑姐化妝
因為時間預算非常充裕, 所以每一個妝容及髮型都精心為她們設計

姐姐更主動要求我跟她們合照, 好開心~ 因為Glory 從來都不會主動拍照的!

 

 

奶奶是第一個化妝的, 完成後一照鏡已經不地話好靚好靚! (笑! 喜歡就好了!)

 

下面的 2張是由老客戶 Amy 發給我的

 

 

 

當日時間十分趕, 因為開始前, Amy 要出席一個商業會議, 趕回自己家中化妝, 我一個人要在一個半小時之內幫 Amy化妝、set 頭、選衣服及配飾, 趕到氣咳, 連拍照的時間都沒有, 最近 Amy轉發攝影師的照片給我, 雖然是從電腦屏幕拍下來的, 想不到當天的效果很不錯呢! (因為完妝後就快快手送Amy上車去會場了)

 

 

她們自信的笑容, 就是我工作中最大的推動力!!! 多謝你們的信任!

 

 

 



又講eyeliner - 唔同質地的Eyeline Gel

市面上有好多唔同的 Eyeliner，有時真係唔知道點簡至好，我問過好多化妝的朋友，大概都會因為佢地既化妝技巧去到唔同既階段，就會用唔同既 Eyeliner產品

剛剛學識化妝 >> 顏色筆狀 Eyeliner *因比較易 Handle, 但好易溶

化妝一段時間之後   >> Gel 狀 Eyeliner   *要用掃上, 唔太易 Handle, 無咁易溶

再過一段時間, 簡單化妝再滿足唔到時   >> Gel 狀 Eyeliner  + 水筆狀 Eyeliner
 *尋求較高階的技巧

當然，以上是Glory身邊的朋友及客人出現的現象，唔能夠代表大部分人啦！

因為最近有幾個朋友及客人都問我有關 Gel 狀 Eyeliner， 點解一定要用掃上？ 用幾多 Gel 先啱? 上眼時又要用咩角度？ 所以今次想講多少少.....
..........................................................................................................................................................................................................................

一般黎講，Gel 狀 Eyeliner  都需要用掃黎用，相信大部分的朋友都試過用Bobbi Brown出的Eyeline Gel，無數大牌同埋開架牌子都出類似 Bobbi Brown 的 Eyeline 掃 (人造纖維造，毛身短小而平)，但係我就比較鐘意用KP 呢種好似龜筆的掃 (動物毛造, 毛身長而圓)

 

今次測試 Gel 狀 Eyeliner 就係大家都好熟識既 Bobbi Brown Eyeline Gel 同埋 Make Up Forever 既 Waterproof Eyebrow Corrector。 因為今次影出黎好唔清楚，所以我拎埋好耐以前影既一張相俾大家參考。



 

 

你可能會問 「"Eyebrow Corrector"喎, 點解會拎黎做 Eyeliner 呀？」其實呢個 Product係兩用， 而且佢防水既能力高到不得之了，有新娘子簽紙時超感動，流左超多眼淚，整個眼妝都無咩溶，呢個 Product 係我既心水產品之一黎架！

以下呢張圖係兩支掃沾滿左 Bobbi Brown Eyeline Gel

 

以下呢張圖係兩支掃沾滿左 Make Up Forever Waterproof Eyebrow Corrector

 

大家睇到2者之間的分別嗎？一個 "杰"身 D, 一個水D既

畫出黎既效果就好咁樣........

 

 

KP Eyeline Brush:

用 Bobbi Brown Eyeline Gel

1. 輕輕力畫上皮膚: 效果好實好上色， 但線條唔夠順滑，顏色一撻撻

2. 大大力畫上皮膚: 效果比輕輕力畫好，但係唔可以畫出勾尾

Bobbi Brown Ultra Fine Eyeline Brush:

用 Bobbi Brown Eyeline Gel

3.輕輕力畫上皮膚: 輕易畫出勾尾，顏色好平均 (跟官方指示，打橫用筆尖黎畫)

4.大大力畫上皮膚: 效果好實好上色，線條唔夠順滑， 唔可以畫出勾尾

KP Eyeline Brush:

用 Make Up Forever Waterproof Eyebrow Corrector

5.輕輕力畫上皮膚: 好實好上色，顏色分佈好平均

6. 大大力畫上皮膚: 好實好上色，顏色分佈好平均

Bobbi Brown Ultra Fine Eyeline Brush:

用 Make Up Forever Waterproof Eyebrow Corrector

7.輕輕力畫上皮膚: 效果好實好上色，顏色分佈好平均，但效果明顯沒有用 Bobbi Brown Eyeline Gel好

8.大大力畫上皮膚: 顏色分佈不平均

睇到呢一度，你問我邊支掃好啲，我就覺得好睇你自己想條眼線畫出黎係咩效果，好似我自己本身鍾意 Eyeline Gel 質地含水量較高，易推易畫，個心好自然已經飛左去 Make Up Forever Waterproof Eyebrow Corrector，加上一物兩用，又唔會因為乾左、硬左用唔到，仲要勁防水防油，而且我畫出來的妝容，傾向配合No. 5 的效果，所以好自然就會選 KP掃多過 Bobbi Brown了。

但係你現在用緊  Bobbi Brown Eyeline Gel，咁我就會建議你用番佢出果支 Ultra Fine Eyeline Brush，就咁睇上圖, No. 3明顯顯示用 Ultra Fine Eyeline Brush 上 Bobbi Brown Eyeline Gel 效果的確比較好，當然又係果句，最好跟番官方指示，先會畫得出呢個效果！如果用開 Bobbi Brown Eyeline Gel 單睇 No. 1 的效果而話 KP掃唔好用實在對 KP掃 好唔公平啦！

喜愛化妝的你，不妨多聽多睇多試來選出最合適你自己妝容既產品！



Enary moisture cream and loose powder - Facebook回覆

其實我暫時仲未正式公開呢個新 Blog 的, 早前已經好奇怪點解呢一篇博文的點擊率奇高, 原來Enary moisture cream and loose powder 的代理公司Share 了博文連結到佢地既facebook專頁入面。 多謝貴公司的回覆, 小妹只係有果句講果句, 多多指教!

 

詳情可參閱
https://www.facebook.com/9beauty

Eyescream Gel Eyeliner, Eyescream Liquid Eyeliner

今次介紹的推介, 係我用左一段時間, 真心覺得好用先寫出黎既.......

話說在去年的一次公開活動之中, 再遇到QQ (Queenie Chan), 因為我一直都是QQ Blog的粉絲, 所以每一次的活動都必定會要求同QQ合照 (我唔係個個都影架, 哈哈!)

2個貪靚既女人一見面, 唔少得會講下扮靚心得, 當時QQ不停推介我用Eyescream Gel Eyeliner, 即使我未用過, 果刻立即覺得Eyescream Gel Eyeliner唔係咁簡單啦!

 

 

當時我搵左好多地方, 都搵唔到香港邊度有地方賣, 所以我第一支的 Eyescream Gel Eyeliner係經日本代購買回來的, 價錢當然係貴一貴啦! 鬼叫自己好想試咩, 哈哈! 宜家好多日本水貨舖都有得賣架啦!

 

 

 

 

簡單D黎講, 佢係一支眼線筆但可以畫出 Eyeline Gel 的效果。除左Eyeline Gel Eyeliner, 有次朋友去日本, 我仲托佢幫我買埋 Eyescream Liquid Eyeliner

 

 

 

 

 

 **注意 Eyescream Gel Eyeliner 只可以向一個方向出, 唔可以轉回頭架! 開包裝時有警告字樣。

 

 

 

 

 

- Eyescream Gel Eyeliner & Eyescream Liquid Eyeliner 畫上皮膚時已經超上色



- Eyescream Liquid Eyeliner 筆頭好尖細, 可以畫出幼幼既內眼線

 

要分別一支好既 Eyeliner, 除左要睇佢易唔易上色之外, 仲要睇埋佢持唔持久, 會唔會一出油就會溶, 今次我用左呢支係台灣買的落妝油, 價錢好似係台幣299左右, 最正係佢含水量高, 用完塊面唔會「干爭爭」, 仲可以濕手濕面用添!

 

 

 

按左少量上手, Eyescream Gel Eyeliner & Eyescream Liquid Eyeliner 既抗油力都合格既!

 

 

 

 

但係如果輕輕一擦 .........

 

 

 



 



Eyescream Gel Eyeliner 就已經溶左啦, 而 Eyescream Liquid Eyeliner 就只係淺色左少少, 仲頂得住呀!!!

我用左幾個月之後既總結:

1. Eyescream Gel Eyeliner 上色同效果真係好好, 但係你雙眼較易出油同埋內雙的朋友, 可以慳番D 錢買另一隻Eyeliner了, 如果你有好似QQ 果對大眼睛, 同美麗既雙眼皮就除外啦, 哈哈!

2. Eyescream Gel Eyeliner 好輕易就能畫出粗眼線, 對眼立即亮大有神, 早上化妝等於同自己講聲：「我訓醒啦！」但要畫勾尾就比較難啦!

3. Eyescream Liquid Eyeliner 只係百鬆蚊, 價錢唔貴, 值得入手, 同埋我用左超過3個月, 個尖細筆頭都無咩變型 (我都用得好粗魯下架), 讚!