我本身的皮膚是屬於混合性但偏乾的, 冬天很容易甩皮, 唔好以為到左夏天會好少少, 因為長時間處於冷氣地方, 其實皮膚都係會俾冷氣抽乾左面上的水份。最近係 SaSa搵到一 Set限定產品, 就係有分日用夜用既保濕 gel.
包裝上大大隻寫住 "限定"同埋 "Buy 1 get 1 free" 的字句, 加埋大豆由來的 7種成份, 一盒仲可以當埋 toner, 同埋makeu up base等 (唔知有無理解錯句日文, 哈哈), 仲要敏感肌都適用, 價錢只係 $79 就有 2 大盒 gel, 你話係唔係點都要買黎試下丫?
有圖有真相, 真係無花無假, 盛惠 $79 ~ 仲要寫明日本製!
大大盒, 每盒各重148 g!
顏色上, 日用既透明感重D, 而夜用就較白
放上手背, 由於2隻Gel 都好水噹噹, 所以一放上手就已經滑到走來走去, 唔受控制!
最近呢一個星期, 我早上用完 Toner 同 Eye Cream之後就用日用Gel 再上妝, 個妝都好貼好簿, 而且係咁熱的天氣之下, 都唔洗點補妝, 讚! 而晚上, 我自己用完平時用的精華之後就係用夜用Gel 厚上, 當 Sleeping mask 咁用, 即使開行冷氣, 第二朝訓晒, 成塊面都唔乾!
話明係限定品, 我上次去果間 SaSa的貨量都唔多, 快 D 買 pack 試下啦!
沒有留言:
張貼留言