La Biosthetique 呢個品牌已經有超過60年歷史, 以生物科學研究, 來自法國巴黎的高級護膚品牌! 上年年尾登陸金鐘太古廣場Harvey Nichols, 今次我係用晒呢4件產品先寫篇Blog文既~
Clear De Teint
Cleansing milk (HK$280, 250ml)
洗面奶質地好滑, 有微香
我自己就好鍾意用黎落妝, 乾手乾面係面上塗一層, 之後用化妝棉直接抹走污穢再過水
呢次使用時, 我面上毫無化妝, 早上九時左右起床, 十一時再用洗面奶塗面, 都己經抹到很多污穢出來! 平時我常戴眼鏡的關係, 好少用 Mascara, 用呢支洗面奶落妝完全無問題, 不過眼妝濃的話, 我會先用卸妝油洗淨再用呢支洗面奶, 洗完之後塊面唔會覺得乾
Visaslix Doux
Skin soothing facial toner (HK$280, 250ml)
Toner內有活性成份水陽酸及甘油, 防止刺激, 更有加強保濕的作用!除左早晚洗面後拍上面, 我仲會用黎做導出.....
做導出時, 帶出皮膚更多的污穢, 做完之後皮膚勁滑!
清潔好皮膚之後, 當然要用番靚靚既精華啦!
La Capsule Beaute (HK$1,250, 60粒)
擠出黎就是一次用量, 方便衛生, 又唔怕入面既維他命E醋酸酯, Q10等成份氧化, 而且質地唔係好油好笠, 水水潤潤的, 全面塗完之後再輕輕按摩, 令能修復細胞的成份能進入肌膚更深層, 一星期用2至3次重點修護就OK了!
La Capsule (HK$1,050, 63粒)
而 La Capsule 相對上比La Capsule Beaute 更油更潤, 只適合晚上使用, 塗上面約3-5分鐘左右就會全部吸收晒, 之後再用上 night cream就可以啦! 由於比較油, 個人覺得天氣凍啲乾啲時用比較好。我自己又試過在導入時, 與導入 gel混合一齊用, 效果唔錯呢! 大家可能會擔心咁油笠笠的產品會阻塞毛孔, 其實只要份量用得適當, 就唔會出現呢個問題。你可能會問, 點為之適當呢? 個人經驗就是比平時塗cream時再潤一點點就OK, 太油的話可用紙巾印走多餘的精華
所以一粒的 La Capsule, 夠我同李生2張面用啦!
化妝前我用左 La Capsule Beaute, 成個妝超貼, 皮膚超上妝, 貼到唔似化左妝咁呀! 仲要個妝可以Keep得比較長時間, 到左夜晚都唔洗點補妝! 推介!!!價錢唔算經濟實惠, 不過我自己會買 La Capsule Beaute看門口, 皮膚有咩事時用黎急救, 貼薄妝容出門人都有自信啲啦!
沒有留言:
張貼留言