百物騰貴, 我諗無邊一個香港人感受唔到既!
唔去街市既我, 最近先知原來一斤菜心可以去到16蚊一斤 (我上一次去街市既記憶仲係細個時同阿媽去果陣,
當時好似幾蚊斤菜), 但係我地既人工, 有得加已經要偷笑! 而加既幅度都係3-4%咁上下, 大佬點會夠通漲黎喎!
可能因為個社會情形係咁, 加埋自己已經結婚生囡, 慳家的性格由此而來, 心入面不停浮現一句 ‘慳得一蚊得一蚊’! 但係女人又點可以抵得住買靚衫靚鞋買化妝品的抗拒喎! 我既慳錢心得, 除左唔係正價時候買, 睇中心儀貸品必會等到大減價先買, 另一個最最重點的方法就是出外靠朋友—好好運用朋友的Staff Offer!
曾幾何時, 我在一家化妝品代理公司入面做marketing, 已經成日用staff offer 50% off
黎買護膚品, 慢慢識得其他既‘行家’, 互相用大家既staff offer黎買大家的筍貨! 可惜我婚後已經離開左呢一個行業, 優惠亦隨著‘行家’們轉行轉工而慢慢無左啦。
大概係上年年尾左右, 我既小學同學又開始番聚會,
托科技的鴻福, 完左第一次既聚會, 我地隨即開了一個Whatsapp
Group黎傾計。巧合當中有一位同學由某大品牌轉工到CK, 係12月時有一次係員工家屬優惠日(40% off),
可惜因為我湊囡既關係而miss左。所以膽粗粗係Group度問下個優惠仲有無, 答案當然係無啦! 不過我呢個小學同學真係好好,
用佢自己每月既quota俾我買~~ 原來要用Calvin Klein 的staff offer都幾麻煩架!
佢地既Offer只可以買Calvin Klein Jeans 或者 underwear。首先要講左大概買幾多件, 答左之後只可以買少唔可以買多架! 仲要係Shop list 度選一間可以安排staff offer既shop, 原來又唔係間間俾買架! 之後Staff就會send個Email俾鋪同事, 講佢地知邊位, 幾時同可以買幾多件, 我就要係約定的日子去鋪度買啦, 為左難得的半價, 辛苦少少都係值得既!
是次戰利品如下,
一睇就知道最大得益者係李生(我老公)
有圖有真相, 呢張單真係但得紀念!! 因為我係同一位女朋友去既, 所以我地係分開俾錢架
買到超值既產品, 心情都特別開心既~ 黎緊仲有其他買野的貼士同大家分享~
