終於有時間同大家分享昨日的新娘子Mandy的所有造型!昨日真是發生太多太多事啦, 仲差少少發生交通意外, 好在最後大家都平安。
先講掛頭, Mandy預先訂了惠蘭、鬱金香同埋富貴子做頭花, 出來的效果出奇地配襯, 有新鮮感而且感覺活潑, 同Mandy一向予人的感覺一樣!
短髮的Mandy在髮型方面任我發揮, 迎賓時用上充滿線條感的髮型配上著名帽飾設計師 Jaycow的作品, 不得了! 將 Simple & Elegant發揮到極至!
Match in 我為 Mandy用上...All-back的髮型, 型格的 Mandy最後決定唔用頭紗,直接用Jaycow的一個網紗頭飾進場, 好Charm!
有別一般的婚禮, 開席後 Mandy準備了特別驚喜予新郎 Tony, 由於2人在中學時已經認識, 髮型用了「飛機頭」
敬酒及送客造型, 加上了 Mandy早前選用的有小烏圖案的紙睫毛, 加在右眼眼尾, 整個妝感即時唔同晒! 再配上Jaycow紅色的羽毛禮帽, 好特別好靚!
雖然晚宴時只得10分鐘轉妝頭, 摩打手的我同助手一樣圓滿完成!感恩能成為Mandy大日子的化妝師, 也要謝謝介紹Mandy找我的朋友, 在此再一次祝Mandy & Tony新婚愉快!
沒有留言:
張貼留言